बाढीले ढलेको विधुतको पोलमा करेन्ट लागेर युवकको मृत्यु
नेपाल प्रेस
२०७८ असार ७ गते १५:४८
सिन्धुपाल्चोक । सिन्धुपाल्चोकको मेलम्चीमा करेन्ट लागेर एक युवकको ज्यान गएको छ ।
मेलम्ची नगरपालिका–१० माझीबस्ती तल इन्द्रावती नदीमा आएको बाढीले बिजुलीको खम्बा ढाल्दा करेन्ट लागेर स्थानीयवासी ३० वर्षीय धर्म दुलालको आज बिहान मृत्यु भएको हो ।
सोही घटनामा मेलम्ची–११ कै भरत दुलाल घाइते भई मेलम्चीमा उपचार भइरहेको इलाका प्रहरी कार्यालय मेलम्चीले जनाएको छ । शिखरपुर नवलपुरतर्फ ल्याइएको फलामे खम्बालाई इन्द्रावतीको बाढीले क्षति पुर्याएपछि विद्युत् चुहिँदा सो दुर्घटना भएको बताइएको छ ।
सिन्धुपाल्चोकका प्रहरी नायब उपरीक्षक प्रकाश सापकोटाले स्काभेटर लिएर जाँदा बाढीका कारण सडकमा ढलेको विद्युत्को खम्बाबाट लिक भएको करेण्ट लागेर दुलालको मृत्यु भएको बताए ।
नेपाल प्रेस
प्रकाशित: २०७८ असार ७ गते १५:४८
प्रतिक्रिया
सम्बन्धित खवर
