बेइजिङको दबाब बढ्दै गएपछि हङकङको अखबार एप्पल डेलीको प्रकाशन बन्द

हङकङ । बेइजिङले लागु गरेको राष्ट्रिय सुरक्षा कानून लागु भएको एकवर्ष पुग्नै लाग्दा हङकङबाट प्रकाशित हुने लोकतन्त्र पक्षधर अखबार एप्पल डेलीको प्रकाशन बन्द भएको छ ।

आफ्ना पत्रकारहरुलाई पक्राउ गरिएको र लाखौंको सम्पत्तिलाई रोक्का गरिएको उल्लेख गर्दै उक्त अखबारले डिजिटल र प्रिन्ट संस्करण बन्द भएको जनाएको हो ।

बुधबार वक्तव्य जारी गर्दै उक्त अखबारले आगामी शनिबारदेखि डिजिटल संस्करण पनि बन्द हुने जनाएको छ । यो खबरले हङकङको मिडिया उद्योगमा तरंग पैदा गरेको छ ।

गतवर्ष चीनले हङकङमा अलग्गै राष्ट्रिय सुरक्षा कानून लागु भएको जनाएको थियो । उक्त अखबारका कर्मचारीले आफूहरुलाई ढिलोचाँडो अखबारको प्रकाशन बन्द हुने विश्वास रहेको जनाएका छन् ।