एएफसी महिला एसियन कपको छनोटमा नेपालले फिलिपिन्स र हङकङसँग खेल्ने
नेपाल प्रेस
२०७८ असार १० गते १५:२९
काठमाडौं । भारतमा एएफसी महिला एसिया कप २२ को छनोटमा नेपालले फिलिपिन्स र हङकङसँग खेल्ने निश्चित भएको छ ।
एएफसीले बिहीबार जारी गरेको खेल तालिकाअनुसार चार समूहमा चार/चार टोली र अन्य चार समूहमा तीन/तीन टोली परेका छन् । जसअनुसार समूह एफमा परेको नेपालको समूहमा फिलिपिन्स र हङकङ छन् ।
छनोट चरणका खेलबाट समूह विजेता बन्ने सबै टोलीले एएफसी एसियन कपमा स्थान बनाउने छन् । छनोट खेलहरू सेप्टेम्बर १३ देखि २५ सम्म र प्रतियोगिता जनवरी २० देखि फेब्रुअरी ६ तारिखसम्म हुने एएफसीले बताएको छ ।
फिफा बरियतामा फिलिपिन्स ६८औं तथा हङकङ ७६औं स्थानमा छ । दुवै टोली १०१औं स्थानको नेपालभन्दा माथि छन् ।
नेपाल प्रेस
प्रकाशित: २०७८ असार १० गते १५:२९
प्रतिक्रिया
सम्बन्धित खवर
