बाघको आक्रमणबाट चितवनमा एक पुरुष घाइते

चितवन । बाघको आक्रमणमा परि चितवनमा एक जना घाइते भएका छन् ।

नजिकैको राइनो ताल घुम्न गएका बेला भरतपुर- १२ का ७० वर्षीय टेकबहादर अधिकारीलाई बाघले आक्रमण गरेको हो । आज (बिहिबार) दिउसो २:४५ बजे रामदेश सामुदायिक बन स्थल भित्रको राइनो तालमा उनी घाइते बनेका हुन् । अधिकारीको शरीरमा बाघको नङग्रा र दातले चिथोरेको छ ।

मध्यम घाइते अधिकारीको भरतपुरमा अस्पतालमा उपचार भैरहेको छ । यसअघि असार ७ गते रत्ननगर ५ मगरटोलकी ३२ वर्षीय गीता अधिकारीको बाघको आक्रमणबाट मृत्यु भएको थियो । जनकौली मध्यवर्ती सामुदायिक वन क्षेत्रमा निउरो टिप्न गएको समयमा उनलाई बाघले आक्रमण गरेको थियो।