जम्मु कस्मिरमा चाँडै चुनाब गराउने मोदीको प्रतिबद्धता, क्षेत्रीय नेताहरुलाई भेटेर तुल्याए आश्वस्त

दिल्ली । भारतीय प्रधानमन्त्री नरेन्द्र मोदीले आफू नेतृत्वको सरकारले चाँडै जम्मु र कस्मिर राज्यमा चुनावको तयारी गरेको बताएका छन् ।

बिहीबार उक्त क्षेत्रका स्थानीय नेताहरुसँग दिल्लीमा भेटवार्ता गर्दै प्रधानमन्त्री मोदीले राज्यको सीमाको पुनर्रखांकन गरि विधान सभाको सिट तय गरिने जनाए ।

सन् २०१९ मा जम्मु कस्मिरको विशेष राज्यको अधिकार खोसिएको विवादास्पद निर्णयपछि मोदीले क्षेत्रीय नेताहरुसँग पहिलोपटक भेटघाट गरेका हुन् ।

Our democracy’s biggest strength is the ability to sit across a table and exchange views. I told the leaders of J&K that it is the people, specially the youth who have to provide political leadership to J&K, and ensure their aspirations are duly fulfilled. pic.twitter.com/t743b0Su4L

— Narendra Modi (@narendramodi) June 24, 2021

पछिल्लो समय दिल्ली र मुस्लिम बाहुल्य कास्मिर उपत्यकाका नेताहरुबीच सम्बन्ध सुखद छैन । कस्मिरको स्थानीय दलसँग सहकार्य तोडिएपछि सन् २०१८ मा मोदीले त्यहाँ प्रत्यक्ष शासन लागु गरेका थिए ।

कस्मिरका पूर्वमुख्यमन्त्री फारुख अब्दुल्ला, ओमार अब्दुल्ला, मेहबुबा मुफ्तीसहितका अन्य नेताहरु मोदीसँगको छलफलमा सहभागि थिए ।