पानीको निहुँमा झडप हुँदा एकै परिवारका १२ जनासहित १५ घाईते
नेपाल प्रेस
२०७८ असार १२ गते १७:२३
जनकपुरधाम । प्रदेश २ को रौतहटमा वर्षाको पानी निकासको विषयमा झडप हुँदा १५ जना घाइते भएका छन् । जसमध्ये १२ जना एकै परिवारका छन् ।
मौलापुर नगरपालिका १ का भुवल साह सोनारको आँगनको पानी छिमेकी हृदयनारायण यादवको खेतमा बगेको थियो । सोही विषयलाई लिएर यादव पक्षका व्यक्तिहरु सोनारकै घरमै पुगेर आक्रमण गरी १२ जनालाई स्थानीय अखिल यादवले जानकारी दिए ।
यस्तै सोनाका परिवारले गरेको प्रतिकारमा यादव पक्षका तीन जना घाईते भएका छन् । घाईते हुनेहरुमा आधा बढी महिला रहेकी छन् । उनीहरु स्थानीय विभिन्न अस्पताल पुगेर उपचार गराइरहेका छन् ।
घटना विषयमा अनुसन्धान भइरहेको जिल्ला प्रहरी कार्यालय रौतहटले जनाएको छ ।
नेपाल प्रेस
प्रकाशित: २०७८ असार १२ गते १७:२३
प्रतिक्रिया
सम्बन्धित खवर
