साविक विजेता पोर्चुगललाई हराउँदै बेल्जियम युरो २०२० को क्वार्टरफाइनलमा
नेपाल प्रेस
२०७८ असार १४ गते २:४०
काठमाडौं । साविक विजेता पोर्चुगलविरुद्ध १-० गोलको कठिन जित निकाल्दै विश्व नम्बर एक बेल्जियम युरो २०२० को क्वार्टरफाइनलमा पुगेको छ ।
अन्तिम १६ अन्तर्गत आइतबार राति भएको खेलमा बेल्जियमका लागि थ्रोगन हाजार्डले ४२औं मिनेटमा गरेको एक मात्र गोल निर्णायक बन्यो ।
प्रतिस्पर्धात्मक खेलको पहिलो हाफ सकिन तीन मिनेट बाँकी रहँदा थोमस मिनुएरको पासमा हाजार्डले गरेको गोलसँगै बेल्जियमले अग्रता लिएको थियो ।
दोस्रो हाफमा बराबरी गोलका लागि निरन्तर प्रयास गरे पनि क्रिस्टियानो रोनाल्डोको पोर्चुगलले पुनरागमन गर्न नसक्दा प्रतियोगिताबाटै बाहिरिनु पर्यो ।
जितसँगै क्वार्टरफाइनलमा पुगेको बेल्जियमले ३ जुलाईमा इटालीसँग खेल्ने छ ।
नेपाल प्रेस
प्रकाशित: २०७८ असार १४ गते २:४०
प्रतिक्रिया
सम्बन्धित खवर
