चीनको सांघाईमा खुल्यो विश्वकै अग्लो होटल, ६३२ मिटर उचाइमा जे होटल

बेइजिङ । चीनको व्यवसायिक सहर सांघाई संसारकै आकर्षक होटलको कारणले पनि चर्चित छ । सांघाई सहरमा अहिले थप आकर्षक होटल धमाधम बनिरहेका छन् ।

गत जुन १९ मा खुलेको जे होटल अर्को चित्ताकर्षक मात्र छैन यसले अर्को कीर्तिमान राखेको छ । यसलाई विश्वकै सबैभन्दा अग्लो होटल भनिएको छ । ६३२ मिटर उचाइमा रहेको सांघाई टावरमा उक्त होटल अवस्थित छ ।

यो भवन चीनकै सर्वाधिक उचाइको भवन हो । १६५ वटा कोठा रहेको उक्त होटलमा ३४ वटा सुइट छन् । होटलले चौबिसै घण्टा र सातै दिन सेवा दिने गरेको छ ।

अत्याधुनिक शौचालयसहित इन्डोर स्विमिङ पुल समेत रहेको छ । स्पाको पनि यसभित्र व्यवस्था छ । प्रत्येक कोठाहरुमा चिनियाँ चियाको व्यवस्था समेत गरिएको छ । उक्त होटलमा ५५७ डलरबाट कोठाको शुल्क तोकिएको छ ।