भारतमा अमेरिकी खोप मोर्डनालाई प्रयोगको अनुमति

दिल्ली । अमेरिकी खोप मोर्डनालाई भारतमा आपतकालिन प्रयोगका लागि अनुमति प्रदान गरिएको छ । मंगलबार राजधानी दिल्लीमा आयोजित पत्रकार सम्मेलनमा केन्द्रिय नीति आयोगका सदस्य डा. वीके पलले उक्त जानकारी दिएका हुन् ।

केही खास प्रयोगका लागि भन्दै मोर्डनालाई अनुमति दिइएको उनले जनाए । भारतले यसअघि कोभिसिल्ड, कोभ्याक्सिन, स्पुतनिक-५ लाई प्रयोगको अनुमति दिइएको छ । भारतले फाइजरलाई अनुमति दिनेबारे विचार गरिरहेको जनाएको छ ।

अमेरिकाले कोभ्याक्स कार्यक्रममार्फत उक्त खोप प्रदान गर्न लागेको जनाइएको छ । औषधि उत्पादक कम्पनी सिप्लाले भारतमा खोप आपूर्तिका लागि अनुमति पाएको छ ।