६५ हजार रुपैयाँसहित जुवाखालबाट ६ जना पक्राउ

कैलाली । कञ्चनपुरमा जुवा तास खेल्ने ६ जनालाई प्रहरीले पक्राउ गरेको छ । कञ्चनपुरको कृष्णपुर नगरपालिका मौवाफाटमा ६५ हजार रुपैयाँसहित जुवा तास खेल्ने ६ जनालाई प्रहरीले मंगलबार पक्राउ गरेको हो ।

पक्राउ पर्नेमा तेजबहादुर साउद, कमलेश कार्की, गगन कार्की, प्रकाश ऐर, विष्णु भट्ट र खगेन्द्र बोहरा रहेको जिल्ला प्रहरी कार्यालय कञ्चनपुरले जानकारी दिएको छ ।

उनीहरूलाई मुलुकी अपराध संहिता २०७४ बमोजिम जुवा खेल्न वा सट्टाबाजी गर्न नहुने कसुरअन्तर्गत म्याद थप गरी अनुसन्धान भइरहेको जिल्ला प्रहरी कार्यालय कञ्चनपुरका प्रहरी निरीक्षक लाल बहादुर बमले जानकारी दिए ।