म्याग्दीको सिमलचौरमा जिप दुर्घटना: २ को मृत्यु, ६ जना घाइते

म्याग्दी । म्याग्दीको मंगला गाउँपालिका २ सिमलचौरबाट मंगला १ पूर्णगाउँ जाँदै गरेको ग १ ज ७६५२ नम्बरको बोलेरो जिप दुर्घटना हुँदा २ जनाको मृत्यु भएको छ भने ६ जना घाइते भएका छन् ।

बुधबार राति भएको दुर्घटनामा बेनी नगरपालिका ५ डडुवाकी सविना भण्डारी र मंगला गाउँपालिका १ का विमल विकको मृत्यु भएको जिल्ला प्रहरी कार्यालय म्याग्दीका प्रहरी नायव उपरीक्षक श्यामकुमार राईले जानकारी दिए ।

त्यसैगरी घाइतेहुनेहरुमा मंगला १ का सुदन आचार्य, एन्जिला भण्डारी, गिता खत्री, अदिना नेपाली, अमृता रामजाली र चालक अनिल रसाईली रहेको प्रहरीले बताएको छ ।

घाइतेहरुको म्याग्दी सदरमुकाम बेनीस्थित बेनी अस्पतालमा उपचार भइरहेको छ ।