युरो २०२० का १० सर्वाधिक गोलकर्ता

नेपाल प्रेस

२०७८ असार १७ गते ११:४५

काठमाडौं । कोरोना भाइरसको महामारीका कारण एक वर्षपछि धकेलिएको युरो २०२० को समूह चरण र अन्तिम १६ का खेलहरू सकिइसकेका छन् । पहिलो चरणबाट १६ टोली र नकआउटबाट ८ गरी क्वार्टरफाइनल समिकरण पनि पूरा भइसकेको छ ।

केही रोमाञ्चक नकआउट खेलहरूबाट २०१२ पछिका युरो र विश्वकप विजेता सबै टोली प्रतियोगिताबाट बाहिरिसकेका छन् । प्रतियोगिताको साविक विजेता पोर्चुगल बेल्जियमसँग १–० गोलको नतिजामा पराजित हुँदै बाहिरियो भने २०१४ विश्वकपको च्याम्पियन जर्मनीलाई इङ्ल्यान्डले २-० को नतिजामा पराजित गर्दै घर फर्काइदियो ।

यस्तै, २०१८ विश्वकपको च्याम्पियन फ्रान्स स्वीट्जरल्यान्डसँग पेनाल्टी सुटआउटमा ५-४ को पराजय बेहोर्दै बाहिरिएसँगै अब पछिल्लो दशकमा ठूला प्रतियोगिता जितेको स्पेन मात्र बाँकी छ ।

क्वार्टरफाइनलका खेलहरू शुक्रबारदेखि सुरु हुनेछन् । तर, सुरुआती चरणमै केही खेलाडीले पर्याप्त गोल गरिसकेका छन् ।

अन्तिम १६ पछि युरो २०२० मा सर्वाधिक १० गोलकर्ताको सूची यस्तो छ ।