संसदमा हंगामा मच्चिएपछि बीजेपीका १२ जना सांसद एक वर्षलाई निलम्बित

मुम्बई । भारतको महाराष्ट्र राज्यमा सुरु संसदको मनसुन सत्रमा हंगामा मच्चिएको छ ।

बीजेपीका सांसदहरुले चुनावमा आरक्षण, विधानसभा अध्यक्षको चुनाव, मराठा आरक्षण र किसान संरक्षण लगायतका माग गर्दै जमेर प्रदर्शन गरे । बीजेपी सांसदको नाराबाजीले आधा घण्टा संसद अवरुद्ध भयो ।

संसदभित्रै स्थिती तनावग्रस्त बनेपछि स्थितीलाई नियन्त्रणमा लिन मार्सल प्रयोग गरिएको थियो । विधानसभा अध्यक्षसँग धक्कामुक्का गरेको आरोप पनि उनीहरुलाई लगाइयो ।

यस घटनाप्रति दुःख व्यक्त गर्दै संसदीय कार्यमन्त्री अनिल परवले घटनामा संलग्न १२ जना बीजेपी सांसदलाई निलम्बित गर्न प्रस्ताव पेश गरे ।

उक्त प्रस्ताव बहुमतले परित भएपछि ती १२ जना बीजेपी सांसदलाई एकवर्षको लागि निलम्बित गरिएको घोषणा गरिएको छ ।