खोलामा डुबेर माडीमा एक युवाको मृत्यु

चितवन । चितवनको माडीमा खोलामा डुबेर १ युवाको मृत्यु भएको छ । हुम्ला खार्पुनाथका २१ वर्षीय हिक्मत शाहीको मृत्य भएको हो ।

माडी-६ रिउ खोलामा साथीहरूसँग पौडी खेल्ने क्रममा मृत्यु भएको हो । दिवाकर प्राविधिक शिक्षालयमा अध्ययनरत उनी पाँचजना साथीसँग पौडी खेल्न दिउँसो साढे १२ बजे गएका थिए ।

डुबेर बेपत्ता भएका उनी माडी-३ रिउ खोलामा दिउँसो १ बजे मृत भेटिएका हुन् ।