शुक्रबार २२ सय कोभिड बिरामी थपिए, २० जनाको मृत्यु पुष्टि
आजको संक्रमण दर १९.७९ प्रतिशत
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/06/corona-_virus.jpg)
काठमाडौं । पछिल्लो २४ घण्टामा मुलुकमा २२३९ जना कोभिड बिरामी थपिएका छन् । स्वास्थ्य तथा जनसंख्या मन्त्रालयका अनुसार ११ हजार ३१३ परीक्षण (६६५७ पीसीआर र ४६५६ एन्टीजेन) गर्दा ती संक्रमित थपिएका हुन् ।
शुक्रबार संक्रमण दर १९.७९ रहेको छ ।
पछिल्लो अवधिमा थप २० जनाको मृत्यु भएको छ । १३१६ जना निको भएका छन् ।
काठमाडौं उपत्यकामा पछिल्लो २४ घण्टामा ३८० जना संक्रमित थपिएका छन् । काठमाडौंमा २६१, भक्तपुरमा ४५ र ललितपुरमा ७४ संक्रमित छन् ।
कूल संक्रमित संख्या ६ लाख ५२ हजार ८५९ (पीसीआर), कूल निको हुने संख्या ६ लाख १६ हजार, कूल मृत्यु संख्या ९३४४ जना रहेको छ ।
मुलुकको सक्रिय संक्रमित प्रतिशत ४.०६ प्रतिशत छ । काठमाडौं जिल्लामा ५३७७, भक्तपुरमा १०४० र ललितपुरमा १३८५ जना सक्रिय संक्रमित छन् ।