कोपा अमेरिका २०२१: पेरूलाई हराउँदै तेस्रो बन्यो कोलम्बिया
नेपाल प्रेस
२०७८ असार २६ गते ८:३२
काठमाडौं । लुइस डियाजको दुई गोलप्रेरित कोलम्बियाले पेरूलाई ३-२ को नतिजामा पराजित गर्दै कोपा अमेरिका २०२१ मा तेस्रो स्थान हासिल गरेको छ । शनिबार बिहान ब्रासिलियामा भएको खेलमा कोलम्बियालाई जित दिलाउन जुवान क्वाड्राडोले थप एक गोल गरे ।
प्रतिस्पर्धात्मक खेलको पहिलो हाफमा पेरुले १-० को अग्रता लिएको थियो । पहिलो हाफको अन्तिम मिनेटमा योशिमर योटुनले गरेको गोलसँगै पेरूले अग्रता लियो । दोस्रो हाफको सुरुआतदेखि नै आक्रामक बनेको कोलम्बियाका लागि ४९औं मिनेटमा क्वाड्राडोले बराबरी गोल फर्काएका थिए ।
डियाजले ६६औं मिनेटमा गरेको गोलसँगै खेलमा पहिलो पटक कोलम्बियाले अग्रता लिएको थियो । २४ मिनेटको खेल बाँकी रहँदा २-१ गोलले पछि परेको पेरूका लागि ८२औं मिनेटमा जियानलुका लापाडुलालले बराबरी गोल फर्काएका थिए ।
प्रतिस्पर्धात्मक खेलको इन्जुरी समयमा डियाजले व्यक्तिगत दोस्रो गोल गर्दै कोलम्बियाका लागि ३-२ गोलको जित सुनिश्चित गरे ।
¡DESCOMUNAL! Luis Díaz metió un golazo tremendo para la victoria final de @FCFSeleccionCol sobre @SeleccionPeru por 3 a 2
🇨🇴 Colombia 🆚 Perú 🇵🇪#VibraElContinente #VibraOContinente pic.twitter.com/ypwrWsK2Ad
— CONMEBOL Copa América™️ (@CopaAmerica) July 10, 2021
सन् २००१ मा च्याम्पियन बनेको कोलम्बियाले चौथो पटक तेस्रो स्थान हासिल गरेको हो । सन् २०१९ मा ब्राजिलमै भएको पछिल्लो संस्करणको क्वार्टरफाइनलबाटै बाहिरिएको कोलम्बिया जारी यसपाली सेमिफाइनलमा अर्जेन्टिनासँग पेनाल्टी सुट आउटमा हारेको थियो ।
त्यस्तै, पेरू ब्राजिलसँग पराजित भएको थियो । कोपा अमेरिका २०२१ को फाइनल भोलि (आइतबार) बिहान ५:४५ बजे माराकाना स्टेडियममा हुनेछ ।
नेपाल प्रेस
प्रकाशित: २०७८ असार २६ गते ८:३२
प्रतिक्रिया
सम्बन्धित खवर
