काठमाडौंमा भाइरस संक्रमण उकालो, शनिबार भेटिए ४१४ जना संक्रमित

काठमाडौं । शनिबार काठमाडौंमा ४१४ जनामा कोरोनाभाइरस संक्रमण पुष्टि भएको छ । शुक्रबार ३८० जनामा संक्रमण पुष्टि भएको थियो । तर, शनिबार संक्रमण संख्यामा वृद्धि भएको छ ।

पछिल्लो २४ घण्टामा काठमाडौंमा ३०३, ललितपुरमा ६० र भक्तपुरमा ५१ जनामा कोरोना संक्रमण पुष्टि भएको हो। काठमाडौंबाहेक तीन जिल्लामा एक सयभन्दा बढी संक्रमित थपिएका छन्।

सुनसरीमा १६०, चितवनमा ११२ र कास्कीमा १११ जनमा कोरोना संक्रमण पुष्टि भएको छ। शनिबार देशभर दुई हजार १६९ जनामा संक्रमण देखिएको छ भने एक हजार ४३२ जना निको भएका छन्। त्यस्तै, कोरोनाबाट २२ जनाको ज्यान गएको छ।