स्याङ्जा र गोरखामा कोरोनाको डेल्टा भेरिएन्ट संक्रमण पुष्टि
नेपाल प्रेस
२०७८ असार २७ गते १४:४७
काठमाडौं । विश्व स्वास्थ्य संगठनले भेरिएन्ट अफ कन्सर्नको रुपमा सूचीकरण गरेका कोरोनाभाइरसका दुई संक्रामक प्रजाति विभिन्न जिल्लाहरुमा पुष्टि भएका छन् ।
गण्डकी प्रदेशको स्याङ्जा र गोरखामा पाँचजनामा डेल्टा भेरिएन्ट पुष्टि भएको छ । पहिलोपटक भारतमा संक्रमण पुष्टि भएको डेल्टाको वैज्ञानिक नाम बी१६१७२ हो ।
प्रदेशको स्वास्थ्य मन्त्रालयले आइतबार विज्ञप्ति जारी गर्दै गोरखा र स्याङ्जामा डेल्टा भेटिएको जनाएको हो । पछिल्लो समय १०० भन्दा बढी मुलुकमा डेल्टा र यसको उपप्रजाति डेल्टा प्लस संक्रमण फैलिएको छ ।
गतसाता नुवाकोटमा संक्रामक डेल्टा प्लस पुष्टि भएको थियो ।
नेपाल प्रेस
प्रकाशित: २०७८ असार २७ गते १४:४७
प्रतिक्रिया
सम्बन्धित खवर
