बस्ती जोगाउन एमाले सम्पर्क मञ्च र सिन्धु मिलन केन्द्रको डिजल सहयोग

काठमाडौं । नेकपा एमाले सिन्धुपाल्चोक–काठमाडौं सम्पर्क मञ्च र सिन्धु मिलन केन्द्रले मेलम्ची बजार जोगाउन प्रयोग भइरहेका स्काभेटरमा प्रयोग गर्न डिजल सहयोग गरेको छ । मन्च र केन्द्रले संयुक्त रुपमा ३४ सय लिटर डिजल सहयोग गरेको सम्पर्क मञ्चका अध्यक्ष शिवहरी सापकोटाले जानकारी दिए ।

बाढीले थुपारेको ढुंगामाटो पन्छाउन र बिग्रेका सडक बनाउन प्रयोग भइरहेका स्काभेटरका लागि डिजल दिइएको सापकोटाले बताए । उनका अनुसार पाँचपोखरी गाउँपालिकाको सडक सन्जाल पुनर्निर्माण, तालामाराङको तेर्से मावि र बस्ती संरक्षण, ग्यालथुम बजार संरक्षण तथा सरस्वती मावि संरक्षण, चनौटे बजार तथा रातो पुल संरक्षण र चनौटे रातो पुलदेखि गाउँपालिका कार्यालयसम्मको सडक मर्मत गर्न डिजेल सहयोग गरिएको हो ।

स्थानीय तहलाई तहलाई काम गर्न सहज होस् भन्नका लागि डिजल सहयोग गरेको सापकोटाले बताए ।