सेल्फी खिच्दा चट्याङ लागेर भारतमा ११ जनाको मृत्यु

दिल्ली । भारतको जयपुर सहरमा आइतबार चट्याङले लागेर ११ जनाको मृत्यु भएको छ । पर्यटकीय स्थल आमेर किल्लामा सेल्फि खिचिरहेको बेला उक्त घटना भएको बीबीसीले जनाएको छ । आसपासका स्थानमा २७ जना रहेको र बाँकी भुइँमा हाम फलेको जनाएको छ । भारतमा सन् २००४ यता चट्याङले गर्दा २००० भन्दा बढीको मृत्यु भइसकेको छ ।

साथै राजस्थानका विभिन्न स्थानमा चट्याङले लागेर ९ जनाको मृत्यु भएको स्थानिय सञ्चार माध्यमहरुले जनाएका छन् । राजस्थानको मुख्यमन्त्री अशोक गहलौतले मृत्यु हुनेको परिवारलाई ५ लाख क्षतिपूर्ति दिने घोषणा गरेका छन् ।

भारतको उत्तर प्रदेश राज्यमा पनि चट्याङ लागेर २८ जनाको मृत्यु भएको बीबीसीले जनाएको छ। तीमध्ये १३ जनाको मृत्यु प्रयागराज भनिने स्थानमा भएको बताइएको छ।

भारतको मौसमविदका अनुसार सन् १९६० यता चट्याङले मृत्यु हुनेको संख्या दोब्बर रहेको जनाइएको छ । भारतमा मनसुन सामान्यतया जून महिनादेखि कायम नै रहेको छ । घटनाहरु रुखहरु कम भएको क्षेत्रमा रहेको अधिकारीहरुले जनाएका छन् ।