कार दुर्घटनामा अमेरिकामा नेपाली युवती गम्भीर घाइते, उपचारका लागि आर्थिक संकलन हुँदै

टेक्सस । अमेरिकाको टेक्सासमा कार दुर्घटना हुँदा १९ वर्षिया नेहा भुसाल गम्भीर घाइते भएकी छन् । बुटवल घर भएको नेहा अहिले अमेरिकाको टेक्सासमा बसोबास गर्दै आइरहेकी छिन् ।

उनी गम्भिर घाइते भएकाले हाल आईसीयूमा उपचार भइरहेको मिसिगनबाट विपिन श्रेष्ठले जानकारी दिए । उनको गोडामा गम्भीर चोट लागेको छ ।

बीमाबापत पनि उपचारको लागि खर्च धान्न नसक्ने भएकाले सहयोगको लागि गोफण्डमा अभियान चलाइएको छ । संकलित सबै रकम नेहाको सर्जरी, औषधी र मेडिकल बिलमा खर्च गरिने जनाइएको छ । संकलन हुने रकम उनको उपचारमा सहयोग गरिने भएको छ ।