ब्रेकिङ
एमाले नेता भीम रावलद्वारा सांसद पदबाट राजीनामाको घोषणा
नेपाल प्रेस
२०७८ साउन ३ गते १६:०२
काठमाडौं । नेकपा एमालेका उपाध्यक्ष भीम रावलले प्रतिनिधिसभा सदस्यबाट राजीनामा दिने घोषणा गरेका छन् ।
नेपाल प्रेससँग कुरा गर्दै रावलले आफू राजीनामा दिन संसद सचिवालयमा आएको र यहाँ साथीहरूले रोकेका कारण नयाँ बानेश्वरमा संसद भवनमा गएर सभामुखसमक्ष राजीनामा बुझाउने बताए ।
आफू पार्टी एकताको पक्षमा १० बुँदे सहमति कार्यान्वयन गर्न लागे पनि माधव नेपालबाटै सहयोग नभएको भन्दै रावलले देउवालाई विश्वासको मत दिनु भन्दा सांसद पदबाट राजीनामा दिएर दबाब सिर्जना गर्न खोजेको बताइएको छ ।
रावलले भने, ‘म पार्टी एकताको पक्षमा उभिएँ तर अनैतिक राजनीति हुन थाल्यो । यो खेलबाट अलग हुनलाई राजीनामा दिँदैछु । मलाई साथीहरूले रोक्न खोजे पनि मेरो निर्णय हो यो ।’
संघीय संसद भवन परिसरमा पत्रकारमाझ राजीनामा पत्रको विवरण सुनाउँदै गर्दा सुरेन्द्र पाण्डेले उनलाई रोक्न खोजेका छन् ।
रावल प्रधानमन्त्री शेरबहादुर देउवालाई विश्वासको मत दिनेबारे संस्थागत निर्णय दिनुपर्ने पक्षमा थिए । माधव नेपालसहित अधिकांश सांसद भने देउवालाई विश्वासको मत दिनुपर्ने पक्षमा छन् । देउवालाई विश्वासको मत दिँदा पार्टी एकताप्रयास भत्किने र नदिँदा संसद जोगाउनुपर्छ भन्ने मान्यतालई निरन्तरता नदिएको नैतिक प्रश्न उनीमाथि थियो । यस्तो दबाबमा रहेका रावलले नेता नेपालसँग फरक मत राख्दै राजीनाको बाटो रोजेका हुन् ।
नेपाल प्रेस
प्रकाशित: २०७८ साउन ३ गते १६:०२
प्रतिक्रिया
4 thoughts on “एमाले नेता भीम रावलद्वारा सांसद पदबाट राजीनामाको घोषणा”
Leave a Reply
सम्बन्धित खवर
Bhim Rawal ko yo nirnaza aaja samma unle garekaa galti sudarna pahilo step ho
यो एउटा गर्विलो राजनैतिक निर्णय हो। हामीले बाहिरै रहेर अध्ययन गर्दा माधव नेपालले निर्लज्जता को बिकाउ राजनीति वाहेक केहि गरेको देखेका छैनौ । उनले भिम रावलबाट सिक्नु पर्ने हो तर यीनमा चेतना हिन घिन लाग्दो कालो मन रहेछ। यो खवर साचो हो भने एमाले मा केही समय विचलन मा रहेर पनी उनले (भिम रावलले) आफ्नो राजनैतिक कद उचो बनाएका छन। यहि हो पार्टि प्रतिको त्याग र समर्पण। सिक नेता हो सिक भिम रावल बाट।
Dr. Bhim Rawal has taken a right decision. I think, this decision omitted his all wrong doings of the past.
समस्या आफैभित्र छ । धूलो अनुहारमा लागेको छ ऐना पुछेर समय खेर नफालौ ।