माधव पक्षले पनि देउवालाई विश्वासको मत दिने

काठमाडौं । प्रधानमन्त्री शेरबहादुर देउवालाई नेकपा (एमाले) को माधव नेपाल पक्षले पनि विश्वासको मत दिने भएको छ।

जनता समाजवादीको महन्थ ठाकुर पक्षले देउवालाई विश्वासको मत दिने निर्णय गरेसँगै कतिपयले नेपाल पक्षले पार्टी विभाजन रोक्न संसदमा अनुपस्थित हुने वा विपक्षमा मत दिने आँकलन गरेका छन् ।

तर, नेपाल पक्षका सांसद मेटमणि चौधरीले आफूहरूले औपचारिक निर्णय नगरे पनि देउवालाई विश्वासको मत दिने समझदारी बनेको जानकारी नेपाल प्रेसलाई दिए ।

नेपाल पक्षकै सांसद भीम रावलले सांसद पदबाट राजीनामा दिएपछि नेपाल पक्ष आन्तरिक छलफलमा जुटेको थियो । छलफलमा संसद जोगाउने धारणालाई निरन्तरता दिन पनि विश्वासको मत दिनेबारे कुराकानी भएको उनले बताए।

नेपाल पक्षका सबैले मत दिन्छन् या केहीले मात्रै भन्ने कुरा चाहिँ अझै पनि खुलेको छैन ।