अफगानिस्तानले पाकिस्तानबाट सबै कूटनीतिक कर्मचारी फिर्ता बोलायो

काबुल । अफगानिस्तानले पाकिस्तानको राजधानीबाट राजदूतसहितका सबै कूटनीतिक कर्मचारीलाई फिर्ता बोलाएको छ ।

पाकिस्तानस्थित आफ्ना राजदूतकी छोरी अपहरणमा परेपछि अफगानिस्तानले यस्तो निर्णय लिएको हो ।

अफगानी विदेश मन्त्रालयले विज्ञप्ति जारी गर्दै उक्त घटनाले अफगानिस्तानको शान्ति प्रक्रियालार्ई चुनौति दिएको उल्लेख छ ।

पाकिस्तानका लागि अफगानी राजदूत नजिब अलिखिलकी छोरी सिलसिला अलिखिललाई शुक्रबार अज्ञात व्यक्तिहरुले कब्जामा लिएका थिए । पाकिस्तानी अधिकारीहरुले घटनबारे छानविन गर्ने जनाएका छन् ।

‘सुरक्षा चुनौति, धम्की र सजाय समाप्त नहुँदासम्म अफगानिस्तानले पाकिस्तानबाट सबै कर्मचारीलाई फिर्ता बोलाउने निर्णय गरेको छ’ अफगानी विदेश मन्त्रालयले जनाएको छ ।

मन्त्रालयका अनुसार पाकिस्तानी सहरबाट घरतर्फ फर्कैदै गर्दा सिलसिला अपहरणमा परेकी थिइन् । केही घण्टापछि उनलाई रिहा गरेर छाडिएको थियो भने अहिले अस्पतालमा उपचार भैरहेको जनाइएको छ ।