चीनमा बाँदरबाट मानिसमा सर्ने ‘मंकी-बी’ भाइरस संक्रमणबाट पहिलो मृत्यु पुष्टि

बेइजिङ । चीनमा पहिलोपटक बाँदरबाट मानिसमा सर्ने ‘मंकी बी’ भाइरसको संक्रमणबाट एकजनाको मृत्यु पुष्टि भएको छ ।

चिनियाँ स्वास्थ्य अधिकारीले शनिबार सार्वजनिक गरेको एक विवरणमा बाँदरबाट मानिसमा भाइरस सरेको पुष्टि भएको र यो दुर्लभ घटना भएको जनाइएको छ ।

बेइजिङमा बसोबास गर्दै आएका ५३ वर्षिय पुरुषको मृत्यु यस्तो खालको संक्रमणबाट पहिलोपटक चीनमा भएको जनाइएको छ । ती वृद्ध पुरुष शाकाहारी रहेको उल्लेख छ ।

रोग नियन्त्रण तथा सुरक्षा केन्द्रका अनुसार ती मृतक पुरुष एक अनुसन्धान संस्थाको मातहत रहेर गत मार्चमा मृत्यु भएका दुईवटा गधा जनावरको मृत्युको कारणबारे अध्ययन गरिरहेका थिए ।

अनुसन्धानकर्ताले सोही थलोमा मंकी-बी भाइरसको संक्रमण पत्ता लगाएका हुन् । ती पुरुषको सम्पर्कमा आएका पुरुष र महिलाको परीक्षण गर्दा भने भाइरस नेगेटिभ पुष्टि भएको छ ।

टोक्योस्थित कोवे विश्वविद्यालयका सरुवा रोग विशेषज्ञ केन्तारो इवाताका अनुसार मंकी बी भाइरसले मानिसको सुक्ष्म तन्तुमा आक्रमण गर्दै अन्ततः मस्तिष्कमा असर पार्छ । त्यसपछि मानिस बेहोस हुनसक्छ । उपचार नपाए मृत्यु हुन सक्ने सम्भावना ८० प्रतिशत रहने उनको भनाई छ ।