प्रधानमन्त्री निवासमा तुलसी रोप्दै आरजुले दिइन् एकादशीकाे शुभकामना

काठमाडौं । प्रधानमन्त्री पत्नी प्रथम महिला डा. आरजु देउवाले प्रधानमन्त्री निवासको मोठमा तुलसी रोपेर हरिशयनी एकादशीको शुभकामना दिएकी छन् ।

सामाजिक सञ्जाल फेसबुकमा उनले तुलसी रोपेको फोटो सार्वजनिक गर्दै एकादशीको शुभकामना दिएकी हुन् । प्रधानमन्त्री पत्नीले ‘जय तुलसी माता’ भन्दै सबैमा पर्वको शुभकामना पनि दिएकी छन् ।

हिन्दू धर्माबलम्बीहरुले आज हरिशयनी एकादशीको दिन तुलसी रोप्ने प्रचलन छ । देउवा निजी निवासबाट सरकारी निवासमा सरिसकेकाले प्रधानमन्त्री निवास बालुवाटारमै आरजुले तुलसी रोपेकी हुन् ।