प्रधानमन्त्री रोजगार कार्यक्रम मार्फत परियोजना तर्जुमा तथा व्यवस्थापन तालिम हुँदै

काठमाडौं । प्रधानमन्त्री रोजगार कार्यक्रम मार्फत परियोजना तर्जुमा तथा व्यवस्थापन तालिम सुरु भएको छ । आजबाट १० दिनसम्म यो तालिम सञ्चालन हुने छ ।

प्रधानमन्त्री रोजगार कार्यक्रम (पीएमईपी) ७ सय ५३ रोजगार सेवा केन्द्रका १ हजार ५०६ स्थानीय कर्मचारीहरूको लागि परियोजना तर्जुमा तथा व्यवस्थापन बारेमा १ दिनको क्षमता अभिवृद्धि प्रशिक्षण आयोजना गरिने भएको हो । अनलाइनबाट ठाउँ अनुसार तालिम भने १० दिन सञ्चालन हुने छ ।

पीएमईपीद्वारा आयोजित सो कार्यक्रम आइएलओको सहकार्यमा ग्लोकल आफ्टर स्कुल, ग्लोकल प्रा ली को एकाइ मार्फत सन्चालन सुरु भएको हो । पीएमईपीको कार्यक्रम मुलुकमा सफल पार्नका लागि प्रत्येक स्थानीय स्तरमा १ रोजगार संयोजक र १ प्राविधिक सहयोगी कार्यरत छन् ।

रोजगार सेवा केन्द्रका कर्मचारीहरुलाई प्रोजेक्ट साइकल व्यवस्थापनमा सम्बन्धि क्षमता अभिवृदि तालिम आयोजन भएको हो ।

७ सय ५३ रोजगार सेवा केन्द्रहरुका स्थानीय कर्मचारीहरुलाई परिणाममा आधारित व्यवस्थापन आधारभूत र संचारको सिद्धान्तबारे तालिम दिने लक्ष्यका साथ, ग्लोकलले कुल १ हजार ५०६ जना कर्मचारीहरुलाई दैनिक ४ समुहमा बिभाजन गरी १० दिन सम्म तालिम सन्चालन गर्नेछ । जुलाई २० देखि २९ सम्म हरेक समुहले ६ घण्टाको विस्तृत तालिम एवम प्रशिक्षन पाउनेछन ।

उक्त तालिममा परियोजना चक्रको परिचय, प्रोजेक्ट डिजाइन र व्यवस्थापन, अनुगमन र मूल्यांकनका लागि प्रविधिहरू, सार्वजनिक रोजगार कार्यक्रमहरू, सिकाई र अनुभवहरू, रोजगार सेवा केन्द्रहरूद्वारा प्रभावकारी सेवा वितरण लगायतका बिषयहरु समावेश गरिनेछ ।

यस प्रधानमन्त्री रोजगार कार्यक्रमलाई श्रम, रोजगार तथा सामाजिक सुरक्षा मन्त्रालयको आयोजना र आईएलओको सहयोगमा ग्लोकल प्रा।लि। को एक एकाइ, ग्लोकल आफ्टर स्कुलले प्रशिक्षण कार्यान्वयन पार्टनरका रुपमा काम गर्ने भएको छ ।