प्रचण्डनिवासबाट झलनाथलाई देउवाको फोन- उपचार खर्च सरकारले व्यहोर्ने
नेपाल प्रेस
२०७८ साउन ५ गते १८:३८
काठमाडौं । प्रधानमन्त्री शेरबहादुर देउवाले पूर्व प्रधानमन्त्री एवं नेकपा एमालेका वरिष्ठ नेता झलनाथ खनालको सम्पूर्ण उपचार खर्च सरकारले व्यहोर्ने बताएका छन् ।
नेकपा माओवादी केन्द्रका अध्यक्ष पुष्पकमल दाहाल प्रचण्डको निवासबाटै दिल्लीमा उपचाररत नेता खनाललाई टेलिफोन गरी प्रधानमन्त्री देउवाले उपचार खर्च सरकारले व्यहोर्ने जानकारी गराएका हुन् ।
प्रधानमन्त्री देउवा प्रचण्ड पत्नी सीता दाहालको स्वास्थ्य अवस्थाबारे बुझ्न खुमलटार पुगेका थिए । सोही क्रममा पूर्व प्रधानमन्त्री खनालसंग टेलिफोन संवाद गरी देउवाले स्वास्थ्य लाभको कामना समेत गरेका हुन् ।
मृगौला सम्बन्धी समस्या देखिएपछि खनाल नयाँदिल्लीमा उपचाररत रहेका छन् ।
नेपाल प्रेस
प्रकाशित: २०७८ साउन ५ गते १८:३८
प्रतिक्रिया
2 thoughts on “प्रचण्डनिवासबाट झलनाथलाई देउवाको फोन- उपचार खर्च सरकारले व्यहोर्ने”
Leave a Reply
सम्बन्धित खवर
तीर तिर तिम्रा घरका जाने हैन सबेै हामी जस्तै नेपाली जनताको पसीनाले तिरेको करको पैसाबाट त जाने हो तिमिहरुको उपचार गर्न । अनि साधारण नागरिकले चाँही सिटामोल पाउन नि समस्या छ
उपचार गर्नु नै छ भने गरिब दुःखीको गर्नुस् प्रधानमन्त्रीज्यू धनाढयहरु आफै गरिहाल्छन्