कौवा खोलाको बाढीले पोल ढालेपछि मैतहुवा र बिचफाँटामा विद्युत अवरुद्ध
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/07/kailali-badi-bijuli-ko-poll-dhalyo.jpg)
कैलाली । कैलालीको घोडाघोडी नगरपालिका-४ को मैतहुवा र बिचफाँटामा बिद्युत् अवरुद्ध भएको छ । मैतहुवा रहेको विजुलीको पोल कौवा खोलामा आएको बाढीले ढालेपछि बिद्युत् सेवा अवरुद्ध भएको स्थानीय सीताराम चौधरीले बताए ।
केहि दिन पहिले पनि यहाँ लगातार तीन दिन बिद्युत् अवरुद्ध भएको थियो । नजिकै रहेको रुख ढल्न सक्ने भन्दै मर्मतको लागि लगातार तीन दिन बिद्युत् आपूर्ति बन्द गरिएको थियो । बिद्युत् मर्मत गरे लगत्तै बाढीले पोल ढालेपछि गाउँमा अन्धकार भएको हो ।
यहाँ पोल ढलेपछि मैतहुवा र बिचफाटाका करिब १५० घरमा बिद्युत् अवरुद्ध भएको उनले जानकारी दिएका छन् । खोलामा आएको बाढीले सडकमा समेत क्षति पु¥याएको छ ।