पाकिस्तानमा टीकटकमा प्रतिबन्ध, समलैंगिकता र नग्नतालाई पश्रय दिएको आरोप

इस्लामाबाद । अनुपयुक्त कन्टेन्ट समावेश गरेको भन्दै पाकिस्तानले चिनियाँ भिडिओ साझेदारी एप टीकटकलाई प्रतिबन्ध लगाएको छ ।

पछिल्लो समय पाकिस्तानमा चिनियाँ एपले त्यहाँको सरकारसँग कानूनी लडाइ लडिरहेको छ । धार्मिक आस्थामा टीकटकले चोट दिएको भन्दै उसविरुद्ध मुद्दाहरु दायर भएका छन् ।

यसअघि पनि त्यहाँको प्रान्तिय अदालतको आदेशमा दुई दिन टीकटकलाई प्रतिबन्ध लगाइएको थियो । तर, अभिव्यक्ति स्वतन्त्रताका पक्षपातिले चाहिँ इन्टरनेट र मिडियालाई नियन्त्रण गरेको भन्दै पाकिस्तानी सरकारको विरोध गरेका छन् ।

पछिल्लो समय पाकिस्तानमा टीकटकको लोकप्रियता बढिरहेको थियो र पाकिस्तानीले यही प्लेटफर्मबाट सामानहरु विक्री पनि गरेका थिए । तर, धार्मिक कट्टरपन्थी मुलुकले टीकटकले समलिंगी समुदाय र नग्नतालाई पश्रय दिएको आरोप खेपिरहेको छ ।