प्रधानमन्त्रीसँग फिल्मकर्मीको छलफल : सरकारले राहत ल्याउने, कलाकारलाई चाँडै खोप

काठमाडौं । कोरोना महामारीले प्रभावित फिल्म क्षेत्रलाई सघाउन सरकारले राहत कार्यक्रम ल्याउने भएको छ । बिहीबार प्रधानमन्त्री निवास बालुवाटारमा भेट्न आएका फिल्मकर्मीलाई प्रधानमन्त्री शेरबहादुर देउवाले उक्त आश्वासन दिएका हुन् ।

कांग्रेस निकट सांस्कृतिक संघले बालुवाटारमा बिहीबार आयोजना गरेको कार्यक्रममा देउवाले कोरोनाले प्रभावित कला र फिल्म क्षेत्रलाई सघाउन सरकारले राहत कार्यक्रम ल्याउने जानकारी दिए ।

लामो समयको लकडाउन र निषेधाज्ञाले फिल्म क्षेत्र धरासायी बनेको, फिल्म हल लामो समयदेखि बन्द भएको र कलाकारहरु कामबिहीन भएको अवस्थामा फिल्मलाई लयमा फर्काउन सरकारले सहयोग गर्नुपर्ने कलाकारको माग थियो ।

देशको गहनाको रुपमा रहेका कलाकारका लागि सरकारले चाँडै खोपको व्यवस्था गर्ने जानकारी दिँदै देउवाले कोरोना प्रभावित यो क्षेत्रमा सघाउने वचन पनि दिए ।