डेल्टा भेरिएन्ट फैलिएपछि अष्ट्रेलियामा देशव्यापी संकटकाल, सिड्नी र वेल्सको लकडाउन झनै कडा

सिड्नी । कोरोनाभाइरसको संक्रामक प्रजाति डेल्टा भेरियन्ट तीव्र गतिमा फैलिएपछि अष्ट्रेलियाले राष्ट्रिय संकटकालको घोषणा गरेको छ । स्थानीय अधिकारीहरुका अनुसार आर्थिक सहर सिड्नीमा जारी लकडाउनलाई थप कडा तुल्याइएको छ भने अन्य राज्यमा पनि संकटकाल लगाइएको छ ।

केन्द्रीय राजधानी समेत पर्ने न्यु साउथ वेल्स प्रदेश सरकारले महामारी सुरु भएदेखिकै सवैभन्दा धेरै सङ्क्रमण पुष्टि भएपछि संकटकाल लगाउने निर्णय गरेको हो ।

प्रदेश सरकारका अनुसार पछिल्लो २४ घण्टामा एक जनाको मृत्यु भएको छ भने १३६ जना नयाँ संक्रमित थपिएका छन् । यो संख्या अहिलेसम्मकै धेरै भएको बताइएको छ । प्रदेश मुख्यमन्त्री ज्लाडीस बेरेजिक्लीयनले प्रदेश भित्रका सवैलाई खोपको व्यवस्थापन गर्न आग्रह गरेका छन् ।