अनलाइन दर्ता गरेकाले काठमाडौंमा कोरोनाको खोप लगाउन पाउने

काठमाडौं । अनलाइनमा नाम दर्ता गरेकाले अब काठमाडौंमा कोरोनाभाइरसविरुद्धको खोप लगाउन पाउने भएका छन् । स्वास्थ्य मन्त्रालयले ५० वर्ष वा त्यो भन्दा कम उमेरसमूह (१८ बर्षसम्म)का लाई अनलाइन दर्ता नम्बर लिएर खोप लगाउन पाउने जनाएको छ ।

मन्त्रालयले खोप लगाउन छुटेकालाई आफ्नो नाम स्वास्थ्य मन्त्रालयको वेवसाइटमा गई दर्ता गराउन र सो दर्ता भएको प्रमाण लिइ खोप केन्द्रमा खोप लाउन जान आग्रह गरेको छ । चीनबाट ल्याइएको खोप केहीदिनपछि लगाउन सुरु गरिने स्वास्थ्य मन्त्रालयले जनाएको छ।

पछिल्लो सात गतेसम्म सरकारले जोन्सन एन्ड जोन्सन खोप अभियान चलाएको थियो । चीनबाट भेरोसेल आइरहेकाले खोप अभियानलाई निरन्तरता दिने सरकारको तयारी छ ।