दुई वर्षदेखि रोकिएको स्नातक पहिलो वर्षको परीक्षा आजबाट

काठमाडौं । कोरोना महामारीका कारण रोकिएको स्नातक तहको पहिलो वर्षको वार्षिक परीक्षा आजदेखि शुरू भएको छ ।

त्रिभुवन विश्वविद्यालय परीक्षा नियन्त्रण कार्यालयले एक विज्ञप्ति जारी गर्दै परीक्षार्थीहरूलाई परीक्षा संचालनमा सहजीकरण गर्न आग्रह गरेको छ । अनलाइन प्रणालीबाट फाराम भरेकोले नयाँ प्रविधिबाट परीक्षाका प्रक्रिया सञ्चालन गर्दा केही प्राविधिक कठिनाइ आएको त्रिविले जनाएको छ ।

प्रवेशपत्रमा फोटो नआएको, परीक्षार्थीले परीक्षा दिनुपर्ने विषय प्रवेश पत्रमा प्रिन्ट गर्दा कम विषय प्रिन्ट भएको भए या केन्द्र परिवर्तन भएको नदेखिएकमा परीक्षा नियन्त्रण कार्यालय वा सम्बन्धित क्याम्पससँग समन्वय गरी परीक्षामा समावेश गर्न केन्द्राध्यक्षलाई कार्यालयले आग्रह गरेको छ ।