डेल्टा भेरिएन्टले चीनमा कोरोना संक्रमण ह्वात्तै बढ्यो, वुहान यताकै खराब स्थिती

बेइजिङ । पूर्वी चीनको जाङ्सु प्रान्तको राजधानी नान्जिङबाट फैलिएको कोभिड–१९ को पछिल्लो संक्रमण बेइजिङ महानगरपालिकासहित मुलुकका अन्य पाँच प्रान्तसम्म फैलिएको छ ।

ग्लोबल टाइम्सले पछिल्लो संक्रमणलाई वुहानपछिकै सर्वाधिक संक्रामक परिस्थिती भएको जनाएको छ ।

गत जुलाईमा उक्त विमानस्थलमा पहिलो संक्रमण पुष्टि भएको थियो । बिहीबारसम्म त्यहाँ २०० जनामा संक्रमण भेटिएको छ । यसअघि स्थानीय संक्रमण न्यून हुने गरेपछि लामो दूरीको यात्राको ट्रान्जिट थलो भएकाले पनि नान्जिङ एयरपोर्टमा संक्रमण फैलिएको हो ।

हुनान प्रान्तको अर्को पर्यटकीय थलो र जेम्स क्यामरुन निर्देशित हलिउड फिल्म अवतारको छायांकन स्थल झान्जियाजीमा पनि व्यापक संक्रमण फैलिएको छ । सो ठाउँमा जुलाई २२ मा आयोजित २००० जना सहभागि एक सांस्कृतिक कार्यक्रमबाट फर्किएका ४ जनामा संक्रमण पाइएको थियो ।

बिहीबार बेइजिङमा झान्जियाजीबाट फर्किएका दुईजनामा संक्रमण भेटिएको छ । पेकिङ युनिभर्सिटीका विज्ञ वाङ ग्वाङफाका अनुसार चीनमा संक्रमण फैलिनुमा संक्रामक डेल्टा प्रजाति कारक रहेको जनाइएको छ ।