बन्द रंगशालामा खेल्नु, ट्रेनिङमा पेनाल्टी अभ्यास जस्तै: रापिनोइ

काठमाडौं । अमेरिकी राष्ट्रिय महिला टोलीलाई टोकियो ओलम्पिक- फुटबलको सेमिफाइनलमा पुर्याउन पेनाल्टीमा गोल गरेकी मेगान रापिनोइले बन्द रंगशालामा खेल्नुपर्दा रमाइलो नभएको प्रतिक्रिया दिएकी छन् ।

कोरोना भाइरसको महामारीका कारण जापानमा जारी टोकियो ओलम्पिक २०२० मा दर्शकलाई प्रतिबन्ध लगाइएको छ । शुक्रबार भएको महिला फुटबलको क्वार्टरफाइनलमा रापिनोइको अमेरिका निर्धारित ९० मिनेटसम्म नेदरल्यान्डविरुद्धक २-२ गोलको बराबरीमा रोकिएको थियो ।

निर्धारित ९० मिनेटको खेल अनिर्णित बनेसँगै अतिरिक्त समयमा पुगेको खेलमा थप गोल हुन सकेनन् । फलस्वरू खेल पेनाल्टी सुटआउटमा पुगेको थियो । विश्वकप विजेता अमेरिकाले सुटआउटमा ४-२ को जित निकाल्दै सेमिफाइनल यात्रा तय गरेको छ ।

‘म ५० हजार दर्शकसामु खेल्न चाहान्छु । र, दर्शकसामु खेल्दा धेरै रमाइलो हुन्छ,’ रापिनोइले खेलपछि भनिन्, ‘दर्शक नभएर मिडियाकर्मी मात्रै हुँदा फुटबलको ‘चार्म’ कम हुन्छ । त्यो त हामीले टे«निङमा पेनाल्टीको अभ्यास गरे जस्तै हुन्छ ।

‘हामी खाली स्टेडियममा खेल्न बानी परिसकेका छौँ,’ उनले भनिन्, ‘त्यसले पनि खेल जित्नलाई धेरैहदसम्म मद्दत गरेको छ ।’

फाइनल प्रवेशका लागि अमेरिकाले सोमबार क्यानडासँग खेल्ने छ ।