मनिषाको ‘मि. ओरियो कोइराला’ बेपत्ता, कोमललाई ‘क्वीन’को साथ

काठमाडौं । अभिनेत्री मनिषा कोइरालाले आफ्नो परिवारको सदस्य हराएको भन्दै सामाजिक सञ्जालमा सहयोग मागेकी छन् । मनिषाका अनुसार परिवारको सदस्य अरु कोही नभएर उनले पालेको प्यारो कुकुर ‘मि. ओरियो कोइराला’ हो ।

कालो र सेतो रंगको कुकुर तीन रातदेखि हराइरहेको उनले जानकारी दिएकी छन् । मनिषाले लेखेकी छन्, ‘हामी विश्वास राखिरहेका छौं कि उ आफ्नो साथी खोजिरहेको छ र चाँडै घर फर्किने छ ।’ यदि कसैले देखेमा खबर गरिदिन उनले आग्रह गरेकी छन् ।

मनिषाले कुकुर हराएको पोष्ट गरेकै दिन गायिका तथा एमाले नेतृ कोमल ओलीले चाहिँ आफ्नो कुकुरसहितको फोटो सामाजिक सञ्जालमा हालेकी छन् । कोमलको कुकुरको नाम चाहिँ ‘क्वीन’ हो ।

कोमलले लेखेकी छन्, ‘तिमीसँग बस्न पाउँदा असाध्यै खुशी अनि आनन्द लागेको छ क्वीन आज । तिमी मेरो असल साथी पनि हौ ।’