६० मुलुकमा एनआरएनको चुनाव सकियो, चारवटामा चुनाव हुन बाँकी (सूचीसहित)
२० वटा देशमा एनआरएन निक्रिय
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/nrna.jpg)
काठमाडौं । ६० वटा मुलुकमा मात्र गैरआवासीय नेपालको संघ चुनाव सम्पन्न भएको छ । सन् २०२१ देखि २३ सम्मको लागि ती समन्वय परिषद्मा चुनाव भएको विवरण एनआरएनले पेश गरेको छ ।
एनआरएन संजाल फैलिएको विश्वका ८४ मुलुकमध्ये बाँकी २० वटा परिषद् निस्क्रिय भएको समेत महासचिव हेमराज शर्माद्वारा जारी वक्तव्यमा उल्लेख छ ।
उनका अनुसार निर्वाचन भएकामध्ये ४२ वटा समन्वय परिषद्मा निर्विरोध कार्यसमिति चुनिएको छ भने ११ वटा परिषद्मा अनलाइन तथा सातवटामा भौतिकरुपमा उपस्थित भएर सकिएको छ ।
युएई, डेनमार्क, पोर्चुगल र स्लोभेनियाले नयाँ नेतृत्व चाँडै पाउने विज्ञप्तिमा उल्लेख छ । चारवटा समन्वय परिषद्मा कार्यसमिति चयन हुन बाँकी रहेको जनाइएको छ ।
सूची :
अफ्रिका क्षेत्र
सर्वसम्मत तथा निर्विरोध : बोत्स्वाना, कंगो, इक्वेटोरियल गिनिया, घाना, केन्या, म्याडागास्कर, नाईजेरिया, सेसेल्स, दक्षिण अफ्रिका, तान्जानिया, युगाण्डा र जाम्बिया
निष्क्रिय राष्ट्रिय समन्वय परिषद्हरु : लेसोथो, लिविया, मालावी, दक्षिण सुडान
अमेरिकाज् क्षेत्र
सर्वसम्मत तथा निर्विरोध : मेक्सिको र कोस्टारिका
अनलाइन : चिली र अमेरिका
भौतिक : क्यानाडा
निष्क्रिय राष्ट्रिय समन्वय परिषद्हरु : ब्राजिल
एसिया प्रशान्त क्षेत्र
सर्वसम्मत तथा निर्विरोध : कम्बोडिया, हङकङ, मकाउ, मलेसिया, म्यानमार, फिलिपिन्स, सिंगापुर, ताईवान, थाईल्याण्ड र भियतनाम ।
अनलाइन : चीन, जापान र दक्षिण कोरिया
निष्क्रिय राष्ट्रिय समन्वय परिषद्हरु : ब्रुनाई, पूर्वी टिमोर, इण्डोनेसिया
यूरोप क्षेत्र
सर्वसम्मत तथा निर्विरोध : बेलारुस, चेक–रिपब्लिक, फिनल्याण्ड, आयरल्याण्ड, इजरायल, इटाली, लग्जेम्वर्ग, रसिया, टर्की, स्वीडेन र स्वीट्जरल्याण्ड
अनलाइन : साइप्रस, जर्मनी, स्पेन, नर्वे, फ्रान्स, र यूके
भौतिक : अष्ट्रिया, बेल्जियम, माल्टा, नेदरल्याण्डस्, पोल्याण्ड र पोर्चुगल
निष्क्रिय राष्ट्रिय समन्वय परिषद्हरु : बुल्गेरिया, ग्रिस, हंगेरी, रोमानिया, यूक्रेन
मध्यपूर्व क्षेत्र
सर्वसम्मत तथा निर्विरोध : कुवेत, ओमान र कतार
अनलाइन : बहराइन र साउदी अरेबिया
निष्क्रिय राष्ट्रिय समन्वय परिषद्हरु : इजिप्ट, इराक, जोर्डन, लेबनान, यमन
ओसेनिया क्षेत्र
सर्वसम्मत तथा निर्विरोध : पपुवा न्यूगिनी र न्यूजिल्याण्ड
अनलाइन : अष्ट्रेलिया
निष्क्रिय राष्ट्रिय समन्वय परिषद् : भानुआटु