शुक्रबार ३७ सय कोभिड बिरामी थपिए, २५ जनाको मृत्यु

काठमाडौं । पछिल्लो २४ घण्टामा मुलुकमा ३७२९ जना कोभिड-१९ संक्रमित थपिएका छन् । स्वास्थ्य तथा जनसंख्या मन्त्रालयका अनुसार १५ हजार ६७५ नमुना (६१८२ एन्टीजेन र ९४९३ पीसीआर) परीक्षण गर्दा ती संक्रमित थपिएका हुन् ।

शुक्रबार थप २५ जनाको मृत्यु भएको छ । मृत्यु हुनेको संख्या कूल संख्या १० हजार १९ पुगेको छ ।

१८२५ जना निको भएका छन् । सक्रिय संक्रमित ३४ हजार ९४२ रहेको छ । १ लाख २० हजार जनाले पछिल्लो २४ घण्टामा कोभिड विरुद्धको खोप लगाएका छन् ।

काठमाडौं उपत्यकामा ६४७ जना संक्रमित थपिएका छन् । काठमाडौं जिल्लामा ४१७, ललितपुरमा १४७, भक्तपुरमा ८३ जना संक्रमित थपिएका छन् । कास्कीमा ३८३, झापामा १७३ र चितवनमा १५५ जना संक्रमित थपिएका छन् ।

शुक्रबार संक्रमण दर २४ प्रतिशत छ । कूल संक्रमित संख्या ७ लाख १० हजार, ६ लाख ६५ हजार डिस्चार्ज भएका छन् । २२ लाख जनाले पूर्ण डोज खोप लगाएका छन् ।