जसपाले डाक्यो पहिलो केन्द्रीय कमिटी बैठक, महन्थ ठाकुर पक्ष अनविज्ञ

जनकपुरधाम । जनता समाजवादी पार्टी (जसपा)ले पहिलोपटक केन्द्रीय कमिटी बैठक डाकेको छ । भदौ १ र २ गते केन्द्रीय पार्टी कार्यालय बालकुमारीमा डाकिएको बैठकले महन्थ ठाकुर पक्षका केन्द्रीय सदस्यलाई हटाउने तयारी गरेको बताइएको छ । यद्यपि, पार्टीका केन्द्रीय कार्यालय प्रमुख प्रकाश अधिकारीले भने अझैसम्म बैठकको कुनै एजेण्डा तय नभएको बताए ।

पछिल्लो समय निर्वाचन आयोगले जसपाको उपेन्द्र यादव पक्षलाई पार्टीको आधिकारिकता दिएको छ । आधिकारिकता दाबी गर्दै महन्थ ठाकुर पक्ष अदालत गएको छ । सर्वोच्च अदालतले छलफलका लागि दुवै पक्षलाई बोलाएको छ ।

राजपा र जमाजवादी पार्टी मिलेर जसपा नेपाल बनेपछि दुवै पार्टीबाट ४–४ सय जनालाई केन्द्रीय सदस्य बनाउने सहमति भएको थियो ।
महन्थ पक्षका जसपा केन्द्रीय सदस्य उमाशंकर अरगरियाले केन्द्रीय कमिटी बैठकबारे आफूहरुलाई जानकारी नभएको बताए ।