बर्दघाटमा कार्यरत इन्स्पेक्टरकाे मोटरसाइकलको ठक्करबाट मृत्यु

रूपन्देही । इलाका प्रहरी कार्यालय बर्दघाटमा कार्यरत प्रहरी निरीक्षक कपिल वाग्लेको मोटरसाइकलको ठक्करबाट मृत्यु भएको छ । ठक्करपछि गम्भीर घाइते भएका प्रहरी निरीक्षकको उपचारका क्रममा मृत्यु भएको हो।

नवलपरासीको बर्दघाटमा सोमबार बेलुकी मोटरसाइकलले ठक्कर दिएपछि वाग्ले गम्भीर घाइते भएका थिए। बाटोमा हिनिरहेका बेला उनलाई मोटरसाइकलले ठक्कर दिएको थियो।

वाग्ले काठमाडौं बसुन्धाराका हुन्। वाग्लेलाई लु १४ प ८७५८ नम्बरको मोटरसाइकलले सोमबार बेलुकी ८ बजेतिर ठक्कर दिएको नवलपरासी प्रहरीले जनाएको छ ।

वाग्लेको उपचारको क्रममा सोमबार राति भैरहवास्थित मेडिकल कलेजमा मृत्यु भएको हो । मोटरसाइकल चालक सुनवल नगरपालिका वडा नम्बर १ का दीपेन्द्र पुन मगर पनि गम्भीर घाइते रहेको प्रहरीले जनाएको छ ।