सभापति भेला आज सकिँदै, पौडेलले सम्बोधन गर्ने

काठमाडौं । नेपाली कांग्रेसको संस्थापनइतरका जिल्ला सभापतिहरूको भेला आज सकिँदैछ । भेलाको समापन समारोहलाई वरिष्ठ नेता रामचन्द्र पौडेल लगायतले सम्बोधन गर्नेछन् ।

क्रियाशील सदस्यतामा जारी अन्योल अन्त्य गरी १४ औं महाधिवेशन सुनिश्चित गर्न भन्दै संस्थापनइतर समूहका ४७ जना जिल्ला सभापतिहरू भेलामा सहभागी छन् । भेलाको निष्कर्ष आजै सार्वजनिक गर्ने तयारी रहेको छ ।

ठमेलको होटल यात्रीमा आज साढे २ बजेपछि वरिष्ठ नेता पौडेल, महामन्त्री डा. शशांक कोइराला, पूर्वमहामन्त्री प्रकाशमान सिंहलगायतका नेताहरूसमेत उपस्थित हुने जनाइएको छ ।