मैदानमा पुन: दर्शकलाई स्वागत गर्ने प्रिमियर लिगको तयारी

काठमाडौं । विश्वको सबैभन्दा प्रतिष्ठित राष्ट्रिय लिग(इङ्लिस प्रिमियर लिग)को नयाँ सिजन अर्को सातादेखि सुरु हुँदैछ । र, कोरोना भाइरसको महामारी कारण गत सिजन बन्द रंगशालामा सीमित भएको लिगको नयाँ सिजनमा समर्थकको पनि उपस्थिति रहने छ ।

र, नयाँ सिजन सुरु हुनै लाग्दा प्रिमियर लिग र क्लबहरूले दर्शकको उपस्थितिका लागि तयारी गरिरहेका छन् ।

प्रिमियर लिगको २०२१-२२ सिजनका लागि खेलमा उपस्थित हुने समर्थकहरुलाई सुरक्षित राख्न स्वास्थ्य मापदण्डहरू बनाइएको छ । जसमा ४८ घण्टा अगाडिको नेगेटिभ आएको कोरोना परीक्षणको रिपोर्ट वा कोरोनाविरुद्धको खोपको पूरा डोज लगाएको प्रमाण अनिवार्य गरिएको छ ।

कम उमेरका समर्थकको उपस्थितिको सम्बन्धमा भने क्लब वा प्रिमियर लिगको वेबसाइटमा परामर्श गरेर निश्चित हुन सकिने क्लबले बताएको छ ।