क्याम्प नोउबाट मेसीको तस्वीर हटाउन थालियो (भिडियाे)

काठमाडौं । पूर्व कप्तान लियोनेल मेसीले २१ वर्षपछि बार्सिलोना छाड्ने निश्चित भएसँगै क्याम्प नोउटबा उनको तस्वीर हटाउने कार्य सुरु भएको छ ।

सन् २००० मा उपचारका लागि स्पेन आएका मेसी बार्सिलोनामा सम्बद्ध भएर विश्व फुटबलका सर्वकालिन महान् खेलाडी बनेका थिए । सर्वाधिक ६ पटकका बालोन डी’अर विजेता मेसी बार्सिलोनाको आर्थिक समस्याका कारण बाध्य भएर क्बलबाट बाहिरिनु परेको हो ।

एक वर्षअघि क्लब छाड्ने तीव्र इच्छा व्यक्त गरेका मेसीले यो वर्ष– यसरी छाड्न आफू तयार नरहेको प्रतिक्रिया दिएका थिए । आइतबार बिदाईका लागि आयोजित पत्रकार सम्मलेनमा भक्कानिएका मेसीको आगामी गन्तव्य फ्रेन्च क्लब पेरिस सेन्ट जर्मन हुने निश्चित भइसकेको छ ।

मेसी फ्रान्स जाने निश्चित भएको एक घण्टा नबित्दै बार्सिलोनाको स्टेडियमका पर्खालबाट मेसीका तस्वीरहरू हटाइन थालेका छन् ।