परीक्षा रोक्नुपर्ने विषयमा प्रधानमन्त्रीलाई भेटेरै ध्यानाकर्षण गराएँः गगन थापा

काठमाडौं । नेपाली कांग्रेसका युवा नेता गगन थापाले हाल सञ्चालन भइरहेका त्रिविका परिक्षाहरु सम्वन्धमा प्रधानमन्त्री शेरबहादुर देउवालाई भेटेरै ध्यानाकर्षण गराएको बताएका छन् ।

प्रधानमन्त्रीले तत्काल पहलकदमी लिइ ठोस निर्णय लिने विश्वास दिलाएको उनको भनाइ छ ।

सामाजिक सञ्जालमा स्टाटस लेख्दै थापाले स्वास्थ्य सुरक्षाका मापदण्ड पालना नगरी परीक्षा सञ्चालन भइरहेको भन्दै आक्रोश व्यक्त गरेका छन् ।
‘एकातिर स्वास्थ्य मन्त्रालयले तेस्रो लहरबारे बताइरहने अर्कोतर्फ यसरी परीक्षा सञ्चालन गरेर संक्रमणको जोखिम बढाइरहनेरुकि स्वास्थ्य सुरक्षा मापदण्ड पालना गराऊ नत्र वैकल्पिक माध्यमबाट परीक्षा चलाऊ । तर,विद्यार्थीको भविष्य र स्वास्थ्यमाथि खेलबाड नगर।’

बैकल्पिक माध्यमबाट परीक्षा हुनुपर्ने उनको माग छ । ‘यस बारेमा हिजो साँझ प्रधानमन्त्रीज्यूलाई भेटेरै ध्यानाकर्षण गराएको छु। उहाँले यो विषयलाई गम्भीरताका साथ लिनुभएको छ र तत्काल पहलकदमी लिई ठोस निर्णय लिने कुराको विश्वास दिलाउनु भएको छ,’ थापाले भनेका छन् ।