झिनो अंकले बढेको नेप्सेमा नयाँ रेकर्ड

काठमाडौं । नेप्से परिसूचक आज झिनो अंकले बढेको छ । ०.९४ अंकले बढ्दै ३,१६२.५९ विन्दुमा रोकिएको छ । झिनो अंकले बढे पनि नेप्सेको विन्दु अहिलेसम्मकै उच्च हो ।

हिजो नेप्से ३,१६१.४४ विन्दुमा पुगेको थियो । आज २ करोड ७२ लाख ९८ हजार ६२४ कित्ताको किनबेचमा १५ अर्ब ४५ करोड ५९ लाख ४१ हजार ७५४ कारोबार भएको छ । आज होटल समूह र हाइड्रोपावर कम्पनीको सेयर मूल्य सबैभन्दा धेरैले बढ्न पुगेको छ ।

आज व्यापार समूहका लगानीकर्ताले सबैभन्दा धेरै गुमाएका छन् । आज ६ वटा कम्पनीको सेयर मूल्यमा सकारात्मक सर्किट लागेको छ ।