विद्यार्थीले प्रवेशपत्र देखाएर कोभिडविरुद्धको खोप लगाउन पाउने, तीनवटा केन्द्र तोकियो

काठमाडौं । प्रवेशपत्रका आधारमा परिक्षार्थी विधार्थीले कोभिड-१९ विरुद्धको खोप प्राप्त गर्ने भएका छन् । संयुक्त विद्यार्थी संगठनले परिक्षार्थीलाई अनिवार्यरुपमा खोपको व्यवस्था गर्न माग गरेपछि स्वास्थ्य मन्त्रालयले यस्तो निर्णय गरेको हो ।

खोप महाशाखा प्रमुख झलक गौतमले प्रवेशपत्रकै आधारमा विद्यार्थीले खोप लगाउन पाउने निर्णय भएको जानकारी दिए । संयुक्त विद्यार्थी संगठनले मंगलबार परीक्षामा सहभागि हुने परिक्षार्थीलाई प्रवेश पत्रको आधारमा खोप दिलाउन स्वास्थ्य राज्यमन्त्री उमेश श्रेष्ठसँग माग गरेका थिए ।

चीनबाट थप खोप आएपछि परिक्षार्थीलाई खोप दिइने भएको छ । विद्यार्थीले प्रवेशपत्रका आधारमा काठमाडौंका वीरेन्द्र सैनिक, नेपाल प्रहरी अस्पताल पानीपोखरी, शसस्त्र प्रहरी बल बलम्बु अस्पतालबाट खोप पाउने छन् ।