चट्याङ लागेर गुल्मीमा २ जनाको मृत्यु, ६ जना घाइते
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/04/Thunder-Stroam-chatyang.jpg)
रूपन्देही । गुल्मीको मालिका गाउँपालिका र ईस्मा गाउँपालिकामा चट्याङ लागेर ११ वर्षीय वालकसहित २ जनाको मृत्यु भएको छ भने ६ जना घाइते भएका छन् ।
मालिका गाउँपालिका-२ पाटाखर्ककी २८ वर्षीया कमला प्रतेलको गएराति चट्याङ लागेर ज्यान गएको छ ।
जिल्ला प्रहरी कार्यालय गुल्मीका सुचना अधिकारी प्रहरी नायब उपरीक्षक पुरुषोत्तम पान्डेयका अनुसार राति परेको चट्याङले कमलाको ज्यान गएको जानकारी दिए । प्रतेलको घर समेत चट्याङले ढलेको छ ।
हिजो मात्रै गुल्मीको ईस्मा गाउँपालिकाको ४ का विभिन्न स्थानमा परेको चट्याङले ११ वर्षीय वालकको ज्यान गएको थियो भने ६ जना घाइते भएका थिए । घाइतेहरुको लुम्बिनी मेडिकल कलेज पाल्पा परवासमा उपचार भैरहेको छ ।