अन्ततः गायिका ब्रिट्नी स्पियर्सलाई मिल्यो अभिभावकत्वबाट उन्मुक्ति

लस-एन्जल्स । गायिका ब्रिट्नी स्पियर्सका बुवा जेमी छोरीको अभिभावकत्व (कन्जरभेटर)बाट हट्न सहमत भएका छन् । स्पियर्सका न्यायिक वकिलले जेमीलाई उक्त भूमिकाबाट हटाउन दायर गरेको एउटा याचिकाको दुई सातापछि उनले हट्ने निर्णय गरेका हुन् ।

तर, कुन समयदेखि अभिभावकत्वबाट हट्नेछन् भन्ने कुराको यकिन भएको छैन । हलिउड रिपोर्टर म्यागजिनले समाचारको पुष्टि गरेको छ । १३ वर्षदेखि स्पियर्सको कन्जरभेटर बनेका बुबा पछिल्लो दुई महीनामा उत्पन्न विवादकै कारण हट्न सहमत भएका हुन् ।

आफ्ना बुवाले अभिभावकत्व ग्रहण गरेर आफ्नो स्वतन्त्रता र खुशि लुटेको भन्दै मिडियामा अन्तर्वार्ता दिएपछि स्पियर्स चर्चामा थिइन् । जुन २३ को अदालती सुनुवाईमा स्पियर्सले निकै भावुक बयान दिएकी थिइन् जहाँ आफ्ना पिताले विहे, करियर लगायतका काममा अवरोध गरेको बताएकी थिइन् । कन्जरभेटरको नाममा आफूलाई शोषण गरेको र आफू खुशि नभएको गायिकाले बताएकी थिइन् ।