पहिरोमा पुरिएर एक जनाको मृत्यु

रूपन्देही । पहिराेमा पुरिएर अर्घाखाँचीको पाणिनि गाउँपालिकामा एक जनाको मृत्यु भएको छ ।

पाणिनि गाउँपालिका-५ मैदानमा खसेको पहिरोमा परि धातिवाङ्ग घर भएका ४५ वर्षका मानबहादुर सुनारको ज्यान गएको जिल्ला प्रहरी प्रमुख प्रहरी नायब उपरीक्षक अमरबहादुर थापा क्षेत्रीले जानकारी दिए ।

स्थानीय मेघराज घिमिरेको घरमा प्लास्टर गर्ने क्रममा शुक्रबार बेलुका घरमाथिबाट आएको पहिरोमा उनी पुरिएका थिए ।